Like a stuffed bird on metal like a brainch,
Or a seal on a stump o’ rock-like wood?
Or am I juist a figure in a scene
O’ Scottish life A.D. one-nine-two-five?
The haill thing kelters like a theatre claith
Till I micht fancy that I was alive!
I dinna ken and nae man ever can.
I micht be in my ain bed efter a’.
The haill damned thing’s a dream for ocht we ken,
—The Warld and Life and Daith, Heaven, Hell ana’.