Grows deef and dour: nae langer up and doun
Gleg as a squirrel speils the Adam’s apple.
Forbye, the stuffie’s no’ the real Mackay.
The sun’s sel’ aince, as sune as ye began it,
Riz in your vera saul: but what keeks in
Noo is in truth the vilest “saxpenny planet.”
And as the worth’s gane doun the cost has risen.
Yin canna thow the cockles o’ yin’s hert
Wi’oot ha’en’ cauld feet noo, jalousin’ what
The wife’ll say (I dinna blame her fur’t).