To show what Scotland micht ha’e hed instead
O’ this preposterous Presbyterian breed.
(Gin Glesca folk are tired o’ Hengler,
And still need breid and circuses, there’s Spengler,
Or gin ye s’ud need mair than ane to teach ye,
Then learn frae Dostoevski and frae Nietzsche.
And let the lesson be—to be yersel’s,
Ye needna fash gin it’s to be ocht else.
To be yersel’s—and to mak’ that worth bein’.
Nae harder job to mortals has been gi’en.