—For it’s nae choice, and ony man s’ud wish
To dree the goat’s weird tae as weel’s the sheep’s!)
Heifetz in tartan, and Sir Harry Lauder!
Whaur’s Isadora Duncan dancin’ noo?
Is Mary Garden in Chicago still
And Duncan Grant in Paris—and me fou’?
Sic transit gloria Scotia—a’ the floo’ers
O’ the Forest are wede awa’. (A blin’ bird’s nest
Is aiblins biggin’ in the thistle tho’?...
And better blin’ if’ts brood is like the rest!)