"A tall, black wumman, spare an' erect, no ill-faured nor ill-made; na, na, a 'll alloo that; a trig, handy cummer, wi' an eye like a hawk an' a voice like pussy; nane o' yir gossipin', haverin', stravaigin' kind. He 'll be clever 'at gets onything out o' her or maks much o' a bargain wi' her.
"Sall, she 's a madam an' nae mistak'. If that waefu', cunnin', tramping wratch Clockie didna come tae the door, where I was sittin', an' askit for the new minister. Ye ken he used tae come an' hear Maister Cunningham on the principles o' the Disruption for an 'oor, givin' oot that he wes comin' roond tae the Free Kirk view; then he got his denner an' a suit o' claithes."
"A' mind o' Clockie gettin' five shillin's ae day," remarked Jamie Soutar, who was at the Free Kirk that morning; "he hed started Dr. Chalmers wi' the minister; Dr. Guthrie he coontit to be worth aboot half-a-croon; but he aince hed three shillin's oot o' the Cardross case. He wes graund on the doctrine o' speeritual independence, and terrible drouthy; but a 'm interruptin' ye, Elspeth."
"'The minister is at dinner,' says she, 'and can't be disturbed; he sees no one at the door.'
"'It's reeligion a 'm come aboot,' says Clockie, stickin' in his foot tae keep the door open, 'an' a'll juist wait at the fire.'
"'It's more likely to be whisky from your breath, and you will find a public-house in the village; we give nothing to vagrants here.' Then she closed the door on his foot, and the language he used in the yard wesna connectit wi' reeligion."
Drumtochty admitted that this showed a woman of vigour—although our conventions did not allow us to treat Clockie or any known wastrel so masterfully—and there was an evident anxiety to hear more.
"Her dress wes black an' fittit like a glove, an' wes set aff wi' a collar an' cuffs, an' a' saw she hedna come frae the country, so that wes ae thing settled; yon 's either a toon dress or maybe her ain makin' frae patterns.
"It micht be Edinburgh or Glesgie, but a' began tae jalouse England aifter hearin' her hannel Clockie, sae a' watchit fur a word tae try her tongue."
"Wurk is a gude handy test," suggested Jamie; "the English hae barely ae r, and the Scotch hae aboot sax in 't."