“Jamie Soutar told us this mornin', Burnbrae, in the kirkyaird, and a 've come straicht the noo frae the doctor's study, and ye never saw a man mair concerned.
“He chairged me tae say, withoot delay, that he wud raither hae cut aff his richt hand than dae ye an ill, an' he 's gaein' this verra week tae gie his mind tae the factor.
“Man, it wud hae dune your hert gude gin ye hed heard Jamie this mornin' in the kirkyaird; he fair set the heather on fire—a'm no settled yet—we 're a' wi' ye, every man o's.
“Na, na, Burnbrae, we 're no tae lose ye yet; ye 'ill hae yir kirk and yir fairm in spite o' a' the factors in Perthshire, but a'm expeckin' a fecht.”
“Thank ye, Drumsheugh, thank ye kindly; and wull ye tell Doctor Davidson that he hesna lived forty years in the Glen for naethin”?
“We said this mornin' that he wud scorn tae fill his kirk with renegades, and sae wud ye a', but a' wesna prepared for sic feelin”.
“There's ae thing maks me prood o' the Glen: nae man, Auld or Free, hes bidden me pit ma fairm afore ma kirk, but a 'body expecks me tae obey ma conscience.
“A 've got till Monday week tae consider ma poseetion, and it 'ill depend on the factor whether a 'll be allowed tae close ma days in the place where ma people hae lived for sax generations, or gae forth tae dee in a strange land.”
“Dinna speak like that, Burnbrae; the doctor hesna hed his say yet; the 'll be somethin' worth hearin' when he faces the factor,” and Drumsheugh waited for the battle between Church and State with a pleasurable anticipation of lively argument, tempered only by a sense of Burnbrae's anxiety.
The factor, who was dressed in the height of sporting fashion and looked as if he had lived hard, received the doctor and his henchman with effusion.