“Ye were wi' William Maclure,” and Drumsheugh's voice quivered with passion, “an' he telt ye. A 'll never forgie him, no, never, nor speak ae word tae him again, though he be ma dearest freend.”
“Dinna blame Doctor Maclure, for a' he did wes in faithfulness an' luve,” and Marget told him how she had made her discovery; “but why sud ye be angry that the fouk ye blessed at a sair cost can thank ye face tae face?” Marget caught something about “a pund or twa,” but it was not easy to hear, for Drumsheugh had gone over to the fireplace and turned away his face.
“Mony punds; but that's the least o 't; it's what ye suffered for them a' thae years o' savin', and what ye did wi' them, a'm rememberin'. Weelum micht never hev hed a hoose for me, an' a' micht never hev hed ma man, an' he micht gaen oot o' Whinnie Knowe and been broken-herted this day hed it no been for you.
“Sic kindness as this hes never been kent in the Glen, an' yet we 're nae blude tae you, no mair than onybody in the pairish. Ye 'ill lat me thank ye for ma man an' Geordie an' masel, an' ye 'ill tell me hoo ye ever thocht o' showin' us sic favour.” Marget moved over to Drumsheugh and laid her hand on him in entreaty. He lifted his head and looked her in the face.
“Marget!” and then she understood. He saw the red flow all over her face and fade away again, and the tears fill her eyes and run down her cheeks, before she looked at him steadily, and spoke in a low voice that was very sweet.
“A' never dreamed o' this, an' a 'm not worthy o' sic luve, whereof I hev hed much fruit an' ye hev only pain.”
“Ye're wrang, Marget, for the joy hes gien ower the pain, an' a 've hed the greater gain. Luve roosed me tae wark an' fecht, wha micht hae been a ne'er-dae-weel. Luve savit me frae greed o' siller an' a hard hert. Luve kept me clean in thocht an' deed, for it was ever Marget by nicht an' day. If a'm a man the day, ye did it, though ye micht never hae kent it. It's little a' did for ye, but ye 've dune a'thing for me... Marget.”
After a moment he went on:
“Twenty year ago a' cudna hae spoken wi' ye safely, nor taken yir man's hand withoot a grudge; but there's nae sin in ma luve this day, and a' wudna be ashamed though yir man heard me say, 'A' luve ye, Marget.'”
He took her hand and made as though he would have lifted it to his lips, but as he bent she kissed him on the forehead. “This,” she said, “for yir great and faithfu' luve.”