NACH MASSMANN’S AUSGABE VON HERRN PROFESSOR LACHMANN MIT DER HANDSCHRIFT VERGLICHEN.
| Sve siner sele wille pleghen |
| De sal gelden unde weder geuen |
| So wert siner sele raed |
| Des help uns leue herre goed |
| 5 | Nu tredet here we botsen wille |
| Vle wi io de hetsen helle |
| Lucifer is en bose geselle |
| Sven her hauet |
| Mit peke he en lauet |
| 10 | Datz vle wi ef wir hauen sin |
| Des help uns maria koninghin |
| Das wir dines kindes hulde win |
| Jesus crist de wart ge vanghen |
| An en cruce wart he ge hanghen |
| 15 | Dat cruce wart des blodes rod |
| Wer klaghen sin marter unde sin dod |
| Sunder war mide wilt tu mi lonen |
| Dre negele unde en dornet crone |
| Das cruce vrone en sper en stich |
| 20 | Sunder datz leyd ich dor dich |
| Was wltu nu liden dor mich |
| So rope wir herre mit luden done |
| Unsen denst den nem to lone |
| Be hode uns vor der helle nod |
| 25 | Des bidde wi dich dor dinen dod |
| Dor god vor gete wi unse blot |
| Dat is uns tho den suden guot |
| Maria muoter koninginghe |
| Dor dines leuen kindes minne |
| 30 | Al unse nod si dir ghe klaghet |
| Des help uns moter maghet reyne. |
| De erde beuet och kleuen de steyne |
| Lebe hertze du salt weyne |
| Wir wenen trene mit den oghen |
| 35 | Unde hebben des so guden louen |
| Mit unsen sinnen unde mit hertzen |
| Dor uns leyd crist vil manighen smertzen |
| Nu slaed w sere |
| Dor cristus ere. |
| 40 | Dor god nu latet de sunde mere |
| Dor god nu latet de sunde varen |
| Se wil sich god ouer uns en barmen |
| Maria stund in grotzen noden |
| Do se ire leue kint sa doden |
| 45 | En svert dor ire sele snet |
| Sunder dat la di wesen led |
| In korter vrist |
| God tornich ist |
| Jesus wart gelauet mid gallen |
| 50 | Des sole wi an en cruce vallen |
| Er heuet uch mit uwen armen |
| Dat sic god ouer uns en barme |
| Jesus dorch dine namen dry |
| Nu make uns hir van sunde vry |
| 55 | Jesus dor dine wnden rod |
| Be hod uns vor den gehen dod |
| Dat he sende sinen geist |
| Und uns dat kortelike leist |
| De vrowe unde man ir e tobreken |
| 60 | Dat wil god selven an en wreken |
| Sveuel pik und och de galle |
| Dat gutet de duuel in se alle |
| Vor war sint se des duuels spot |
| Dor vor behode uns herre god |
| 65 | De e de ist en reyne leuen |
| De had uns god selven gheuen |
| Ich rade uch vrowen unde mannen |
| Dor god gy solen houard annen |
| Des biddet uch de arme sele |
| 70 | Dorch god nu latet houard mere |
| Dor god nu latet houard varen |
| So wil sich god ouer uns en barmen |
| Cristus rep in hemelrike |
| Sinen engelen al gelike |
| 75 | De cristenheit wil mi ent wichen |
| Des wil lan och se vor gaen |
| Maria bat ire kint so sere |
| Lene kint la se di boten |
| Dat wil ich sceppen dat se moten |
| 80 | Bekeren sich. |
| Des bidde ich dich |
| Gi logenere |
| Gy meynen ed sverer |
| Gi bichten reyne und lan de sunde uch ruwen |
| 85 | So wil sich god in uch vor nuwen |
| Owe du arme wokerere |
| Du bringest en lod up en punt |
| Dat senket din an der helle grunt |
| Ir morder und ir straten rouere |
| 90 | Ir sint dem leuen gode un mere |
| Ir ne wilt uch ouer nemende barmen |
| Des sin gy eweliken vor loren |
| Were dusse bote nicht ge worden |
| De cristenheit wer gar vorsunden |
| 95 | De leyde duuel had se ge bunden |
| Maria had lost unsen bant |
| Sunder ich saghe di leue mere |
| Sunte peter is portenere |
| Wende dich an en he letset dich in |
| 100 | He bringhet dich vor de koninghin |
| Leue herre sunte Michahel |
| Du bist en plegher aller sel |
| Be hode uns vor der helle nod |
| Dat do dor dines sceppers dod |
ACCORDING TO MASSMANN’S EDITION COMPARED WITH THE MS. BY PROFESSOR LACHMANN.