'I beg yer pardon?'
'Ach, ye ken what I mean. He fancied we wud enjoy a wee whiley jist by oorsel's.'
'Speak for yersel'! I'm thinkin' it was exceedingly rude o' him to slope wi'oot tellin' me he had enjoyed his tea.'
'He asked me to tell ye that he hadna enjoyed hissel' sae weel since his uncle's funeral, ten year back.'
Christina gave a little sniff. 'That's a nice sort o' compliment.
Funeral, indeed!'
'Christina! what's vexin' ye?'
'Wha said I was vexed?'
'I've seen ye lookin' happier.'
'Are ye a judge o' happiness?'
'I ken when I'm no happy—an' that's the noo. But I warn ye, I'm no gaun to stick it!'