"Was't a grand bed?"
"It had a fell lot o' brass aboot it, but there was juist one pair o' blankets. I thocht it was gey shabby, hae'n the ewer a different pattern frae the basin; ay, an' there was juist a poker in the fireplace, there was nae tangs."
"Yea, yea; they'll hae but one set o' bedroom fireirons. The tangs'll be in anither room. Tod, that's no sae michty grand for Edinbory. What like was she hersel?"
"Ou, very ladylike and saft spoken. She's a canty body an' frank. She wears her hair low on the left side to hod (hide) a scar, an' there's twa warts on her richt hand."
"There hadna been a fire i' the parlour?"
"No, but it was ready to licht. There was sticks and paper in't. The paper was oot o' a dressmaker's journal."
"Ye say so? She'll mak her ain frocks, I sepad."
When Hendry entered to take off his collar and coat before sitting down to his evening meal of hot water, porter, and bread mixed in a bowl, Jess sent me off to the attic. As I climbed the stairs I remembered that the minister's wife thought Leeby in need of sharpening.