"It's most provokin' 'at ye will think 'at every time Jamie steps into a machine there'll be an accident. Am sure if ye would tak mair after my father, it would be a blessin'. Look hoo cool he is."
"Whaur is he, Leeby?"
"Oh, I dinna ken. The henmost time I saw him he was layin' doon the law aboot something to T'nowhead."
"It's an awfu' wy that he has o' ga'en oot withoot a word. I wouldna wonder 'at he's no bein' in time to meet Jamie, an' that would be a pretty business."
"Od, ye're sure he'll be in braw time."
"But he hasna ta'en the barrow wi' him, an' hoo is Jamie's luggage to be brocht up withoot a barrow?"
"Barrow! He took the barrow to the saw-mill an hour syne to pick it up at Rob Angus's on the wy."
Several times Jess was sure she saw the cart in the distance, and implored us to be off.
"I'll tak no settle till ye're awa," she said, her face now flushed and her hands working nervously.
"We've time to gang and come twa or three times yet," remonstrated Leeby; but Jess gave me so beseeching a look that I put on my hat. Then Hendry dandered in to change his coat deliberately, and when the three of us set off, we left Jess with her eye on the door by which Jamie must enter. He was her only son now, and she had not seen him for a year.