Again Jess's head moved, but still she was silent.
"They were sae like," continued Hendry, "'at often I called Jamie by Joey's name."
Jess looked at her husband, and her mouth opened and shut.
"I canna mind 'at you ever did that?" Hendry said.
She shook her head.
"Na," said Hendry, "you never mixed them up. I dinna think ye ever missed Joey sae sair as I did."
Leeby went ben, and stood in the room in the dark; Jamie knew why.
"I'll just gang ben an' speak to Leeby for a meenute," he said to his mother; "I'll no be lang."
"Ay, do that, Jamie," said Jess. "What Leeby's been to me nae tongue can tell. Ye canna bear to hear me speak, I ken, o' the time when Hendry an' me'll be awa, but, Jamie, when that time comes ye'll no forget Leeby?"
"I winna, mother, I winna," said Jamie. "There'll never be a roof ower me 'at's no hers too."