"Guid sake, Sanders, hoo did ye no speak o' this afore?"
"I thocht ye kent o't, Sam'l."
They had now reached the square, and the U. P. kirk was coming out. The Auld Licht kirk would be half an hour yet.
"But, Sanders," said Sam'l, brightening up, "ye was on yer way to spier her yersel."
"I was, Sam'l," said Sanders, "and I canna but be thankfu ye was ower quick for's."
"Gin't hadna been you," said Sam'l, "I wid never hae thocht o't."
"I'm sayin' naething agin Bell," pursued the other, "but, man Sam'l, a body should be mair deleeberate in a thing o' the kind."
"It was michty hurried," said Sam'l, woefully.
"It's a serious thing to spier a lassie," said Sanders.
"It's an awfu thing," said Sam'l.