V. Duke Guidobaldo I.
On his monument in the same church:—
"Guidobaldo Federici filio, Urbini Duci III., qui adhuc impubes, paternam gloriam emulans, imperia viriliter fœliciterque gessit, juvenis de adversâ triumphans fortunâ, sed vi morbi corpore debilior animo vegetior, pro armis literas, pro militibus viros selectissimos, pro re bellica rem aulicam ita coluit, fovit, auxit, ut ejus aula ceteris præclarissimum extet exemplar. Obiit an. Dom. MDVIII., suo XXXVI. Et Elizabethæ Gonzagæ, miræ pudicitiæ feminæ, ipsi jugali amore et egregia virtute conjunctissima."
VI. Duke Francesco Maria I.
From a mural slab in Sta. Chiara at Urbino; written by Bembo.
"Francesco Mariæ Duci, amplissime belli pacisque muneribus perfuncto, dum paternas urbes, per vim ter ablatas, ter per virtutem recipit, et receptis æquissime moderatur; dum a pontificibus, a Florentinis, a Venetis exercitibus præficitur; deinceps et gerendi in Turcas belli, dum princeps et administrator assumitur, sed ante diem sublato, Leonora uxor fidissima et optima meritissimo posuit, et sibi."
VII. Duke Guidobaldo II.
From the same church:—
"D.O.M. Guidus Ubaldus Monfeltrius de Ruvere, Urbini Dux quintus, sanctæ Romanæ ecclesiæ, Philippi Hispaniarum Regis, Venetæque reipublicæ exercituum præfectus et imperator summus, magnanimitate et liberalitate adeo excelluit ut eum regia cum majestate aliis potius profuisse quam præfuisse dixeris. Obit humanum diem sexagenarius, anno Dñi MDLXXIII."