VERSE THIRD.
There the blackbird bigs his nest
For the mate he lo'es to see,
And on the topmost bough,
Oh a happy bird is he!
There he pours his melting ditty,
And love 'tis a' the theme;
And he'll woo his bonny lassie
When the kye come hame.
When the kye come hame, &c.
VERSE FOURTH.
When the little wee bit heart
Rises high in the breast,
And the little wee bit starn
Rises red in the east,
O there's a joy sae dear,
That the heart can hardly frame,
Wi' a bonny bonny lassie,
When the kye come hame.
When the kye come hame, &c.
VERSE FIFTH.
Then the eye shines sae bright,
The hale soul to beguile,
There's love in every whisper,
And joy in every smile.
O wha wad chuse a crown
Wi' its perils and its fame,
And miss a bonny lassie
When the kye come hame.
When the kye come hame, &c.
Here the poet warred a long time with recollection, always repeating, "I made the thing, and it is impossible I can forget it—I can't comprehend——" At length he sung the following verse, which he said was the fifteenth.
VERSE THE FIFTEENTH.
See yonder pawky shepherd,
That lingers on the hill,
His ewes are in the fauld
And his lambs are lying still;
Yet he downa gang to bed,
For his heart is in a flame,
To meet his bonnie lassie,
When the kye come hame.
When the kye come hame, &c.