¶ It cureth the Reuma of the hede, whan the temples and the fore hede therwith be rubbed.
¶ It cureth Litargiam,[53] and all yll humours of the hede.
¶ It heleth the coloure in the face, and all maner of pymples. It heleth the fystule when it is put therein with the Juce of Celendyne.
¶ Cotton wet in the same and a lytell wronge out agayn and so put in the eares at nyght goynge to bedde, and a lytell dronke thereof, is good against all defnes.
¶ It easeth the payn in the teethe, when it is a longe tyme holden in the mouthe, it causeth a swete brethe, and theleth the rottyng tethe.
¶ It heleth the canker in the mouthe, in the teethe, in the lyppes, and in the tongue, whan it is longe time holden in the mouthe.
¶ It cawseth the hevy togue to become light and wel spekyng.
¶ It heleth the shorte brethe whan it is droke with water wheras the figes be soden in, and vanisheth al flemmes.
¶ It causeth good dygestynge and appetyte for to eat, and taketh away all bolkynge.[54]