"Dem all sem," continued Daddy Jack. "Big mout', pop-eye, walk on 'e belly; 'e is bin got bump, bump, bump 'pon 'e bahk, bump, bump, bump 'pon 'e tail. 'E dife 'neat' de water, 'e do lif 'pon de lan'.
"One tam Dog is bin run B'er Rabbit, tel 'e do git tire; da' Dog is bin run 'im tel him ent mos' hab no bre't' in 'e body; 'e hide 'ese'f by de crik side. 'E come close 'pon B'er 'Gater, en B'er 'Gater, 'e do say:
"'Ki, B'er Rabbit! wut dis is mek you blow so? Wut mekky you' bre't' come so?'
"'Eh-eh! B'er 'Gater, I hab bin come 'pon trouble. Dog, 'e do run un-a run me.'
"'Wey you no fetch 'im 'long, B'er Rabbit? I is bin git fat on all da' trouble lak dem. I proud fer yeddy Dog bark, ef 'e is bin fetch-a me trouble lak dem.'
"'Wait, B'er 'Gater! Trouble come bisitin' wey you lif; 'e mekky you' side puff; 'e mekky you' bre't' come so.'
"'Gater, he do flup 'e tail un 'tretch 'ese'f, un lahff. 'E say:
"'I lak fer see dem trouble. Nuddin' no bodder me. I ketch-a dem swimp, I ketch-a dem crahb, I mekky my bed wey de sun shiün hot, un I do 'joy mese'f. I proud fer see dem trouble.'
"''E come 'pon you, B'er 'Gater, wun you bin hab you' eye shed; 'e come 'pon you fum de turrer side. Ef 'e no come 'pon you in da' crik, dun 'e come 'pon you in da' broom-grass.'
"'Dun I shekky um by de han', B'er Rabbit; I ahx um howdy.'