Hic myrtum floresque legat, quos tinxit Adonis
Sanguine, dilectus Veneri puer; aut Heliconem,
Et colles Baccho, partim, Phœboque sacratos
Incolat. Hic, placidi latebris in mollibus antri,
Silenum recubantem, et amico nectare venas
Inflatum stupeat titubanti voce canentem;
Et juvenum cæcos ignes, et vulnera dicat,
Et vacuæ, pulsis terroribus, otia vitæ,
Fœcundosque greges, et amæni gaudia ruris:
Hæc et plura canens, avidè bibat ore diserto