Sed lachrimæ clausistis iter: nec muta querelas
Lingua potest proferre pias: ignoscite manes
Defuncti, & tacito finite indulgere dolori.
5Sed scelus est tacuisse: cadant in mœsta lituræ
Verba. Tuis (docta umbra) tuis hæc accipe jussis
Cæpta, nec officii contemnens pignora nostri
Aversare tuâ non dignum laude Poëtam.
O si Pythagoræ non vanum dogma fuisset:
10Inque meum â vestro migraret pectore pectus
Musa, repentinos tua nosceret urna furores.