90Depositum interea lapides servate fideles.
Fœlices illâ quêis Ædis parte locari
Quâ jacet iste datur. Forsan lapis inde loquetur,
Parturietque viro plenus testantia luctus
Verba: & carminibus quæ Donni suggeret illi
95Spiritus, insolitos testari voce calores
Incipiet: (non sic Pyrrhâ jactante calebat.)
Mole sub hâc tegitur quicquid mortale relictum est
De tanto mortale viro. Qui præfuit Ædi huic,
Formosi pecoris pastor, formosior ipse.