"Nunc locus est, ut opinor, in his illud quoque rebus
Confirmare tibi, nullam rem posse suâ vi
Corpoream sursum ferri, sursumque meare.—
Nec quom subsiliunt ignes ad tecta domorum,
Et celeri flammâ degustant tigna trabeisque
Sponte suâ facere id sine vi subicente putandum est.
—Nonne vides etiam quantâ vi tigna trabeisque
Respuat humor aquæ? Nam quod magi' mersimus altum
Directâ et magnâ vi multi pressimus ægre:—
Tam cupide sursum revomit magis atque remittit