Mais ore agardons les offices
Des tous estatz, si les justices
Ou les malices au present
Sont plus fort en governement.[491]
Je dis, ensi comme l’autre gent,
Qe plus sont fortes les malices,
Sique Pecché communement
Par tout governe a son talent
L’escoles et les artefices. 18420
Puisq’il ad dit les propretés des vices et des vertus, sicome vous avetz oï, ore dirra en partie l’estat de ceux q’ont nostre siecle en governance; et commencera primerement a la Court de Rome.