The heved above hem hath noght undirfongen
To sette pes, bot every man sleeth other,
And in this wise hath charite no brother.
The two defaltes bringen in the thridde,
Of mescreantz, that sen how we debate,
Betwen the two thei fallen in amidde,[1958]
Wher now aldai thei finde an open gate. 270
Lo, thus the dedly werre stant algate;
Bot evere y hope of King Henries grace
That he it is which schal the pes embrace.