Nunc amor est luxus, et adulterium modo nubit,
Et iubet incestus iura pudica michi:
In vulgum clerus conuertitur, et modo vulgus
In forma cleri disputat acta dei.
Sunt serui domini, sunt et domini modo serui;
Qui nichil et didicit, omnia scire putat:
Rusticus ingenui se moribus assimilari[603]
Fingit, et in veste dat sua signa fore;
Isteque se miserum transfert gentilis in illum,
Vultque sui vicii rusticitate frui.240