Curia nulla suum veterem conseruat honorem,
Vrbs neque iusticiam, terra nec vlla fidem.
Sunt magis arma forum quam nobilitas, quibus ille
Garcio sutoris nunc galeatus adest:
Fuluus iam talus nimis est communis, eoque
Non honor est armis vt solet esse prius:
Namque superbus inops, dum non habet vnde superbe
Se regat, ex predis viuit vbique suis.
Debilitas regni surgit, vires requiescunt,[605]
Sic paleas multas granaque pauca vides:270