Nullus amor parcit cuiquam quem ledere possit;
Quod voluere duo, tercius esse negat.
Plebs sine iure manet, non est qui iura tuetur,
Non est qui dicat, ‘Iura tenere decet.’
Viuitur ex rapto, vix hospes ab hospite tutus,
Nec socer a genero, dum vacat ipse lucro.
Tempore nunc plures odio remanente salutant,
Tempus et ad vomitum ruminat ira suum:
Facta mouent odium, facies exorat amorem,
Oscula pretendit os, manus atque ferit.320