Hic loquitur de corporis mortui corrupcione secundum Iram.
Capm. xi.
Feruida viuentem quem nuper torruit ira,
Amplius impaciens non mouet ille caput:780
Lite sua dudum qui vicinos agitabat,
Mutus ad interitum non habet ipse sonum:
Nuper linguosus nequit amplius esse susurro;
Mors vocat, ipse tacet, nilque refatur ei.
Qui terrere solet inopem terrore minarum,
Contra vermiculum iam valet ipse nichil: