De prece surrexit, surgendoque se cruce texit,
Qualiter ad seruicium nobilis ducis quasi vniuersa terra gratanter se optulit.
Et tunc quam letas incepit adire dietas:
Patria cum sciret quod saluus dux reueniret,
Totus ei mundus occurrit vbique iocundus.
Tunc rex Ricardus lepus est et non leopardus;160
Qualiter rex Ricardus tempore quo nobilis dux Henricus applicuit, in partibus Hibernie invtiles dies ad sui confusionem infortunate consumpsit.
Quem timor astrinxit, alibi sua robora finxit:
Hic ducis aduentum presciuit ab ore scientum,
Quo celer exiuit et Hibernica regna petiuit.