Vsurpando fidem vultum mentitur honestum,
Caucius vt fraudem palliet inde suam:[758]
Sub grossa lana linum subtile tenetur,
Simplicitas vultus corda dolosa tegit.
Fermento veteri talis corrumpit aceruum,
Qui noua conspergit et dubitanda mouet:
Dum magis incantat, obtura tu magis aures,40
Forcius et cordis ostia claude tui:
Simplicitate tua ne credas omne quod audis;
Que docet ambiguus auctor aborta caue: