Quisque sue menti qui concipit aure patenti
Mittat, et argenti det munera largus egenti;310
Stat nam mortalis terra repleta malis.[780]
Hoc ego bis deno Ricardi regis in anno
Compaciens animo carmen lacrimabile scribo.[781]
Vox sonat in populo, fidei iam deficit ordo,
Vnde magis solito cessat laus debita Cristo,
Quem peperit virgo genitum de flamine sacro.
Hic deus est et homo, perfecta salus manet in quo,
Eius ab imperio processit pacis origo,