Consilium tortum scelus omne refundit abortum
Regis in errorem, regni quo perdit amorem.
‘Ve qui predaris,’ Ysaias clamat auaris;
Sic verbis claris loquitur tibi qui dominaris.20
Rex qui plus aurum populi quam corda thesaurum
Computat, a mente populi cadit ipse repente.
Os vbi vulgare non audet verba sonare,
Stat magis obscura sub murmure mens loqutura:
Que stupet in villa cicius plebs murmurat illa,
Vnde malum crescit, sapiens quo sepe pauescit.