Qui falsum pingunt sub fraudeque vera refingunt,
Hii sunt qui blando sermone nocent aliquando:
Rex qui conducit tales, sibi scandala ducit,
Nomen et abducit quod nobile raro reducit:40
Quod viguit mane, sibi vespere transit inane,
Dummodo creduntur que verba dolosa loquntur.
Consilio tali regnum magis in speciali
Vndique turbatur, quo Regis honor variatur:
Nunc ita sicut heri poterit res ista videri,
Vnde magis plangit populus, quem lesio tangit.