Hec sunt verba dei, cuius de pondere legis
Addit vel minuit lex positiua nichil.
Hic tractat quod, sicut non decet dominos temporales vsurpare sibi regimen in spiritualibus, ita non decet[382] cleri prelatos attemptare sibi guerras et huiusmodi temporalia, que mundi superbia et auaricia inducunt.
Capm. ix.
Anulus et baculus sunt ius papale sequentes,
Quos velut in signum spirituale tenet;
Cesaris et ceptrum mundi sibi signat honorem,[383]
Quo quasi mundane res famulantur ei.580
Papa colens animas has dampnat viuificatque,
Corpora set Cesar subdita iure regit.