‘Tu michi, serue dei, videas ne feceris illud,
Immo deum toto cordis honore cole.’960
‘Quem tamen in terris celestis ciuis honorem
Respuit, hunc repetit curia nostra sibi;
Flectitur inde genu, que pedes post oscula nostros
Mulcent, vt Cristi pes foret alter ibi.’
Precipit hoc Cristus, eius quod discipulorum
Nemo patris nomen querat habere sibi:
In celo sancti proclamant ‘Sanctus’ vt illi
Qui sedet in solio dignus honore suo.