Quicquid habet clerus proprios hoc vertit in vsus,
De laicis partem vult set habere suam.980
Hic bona cuncta sua fore dicit sanctificata,
Nec licet vt laicus mittat ad illa manus;
Partem sed laici petit ipse per omnia lucri,
Nec vult cum dampno participare suo.
Si communis amor fuerit, commune sit omne,
Quod liquet alterutrum posse iuuare virum:
Set quia iam clerus non est communis amoris,
Quicquid habet soli vult retinere sibi.