Nam vagus explorat vbi sunt pulchre mulieres
Etatis tenere, pascat vt inde famem:
Talis enim rector mulieribus insidiatur,
More lupi clausas circuientis oues.[401]
Dum videt ipse senem sponsum sponsam iuuenemque,
Tales sub cura visitat ipse sua;1520
Suplet ibi rector regimen sponsi, que decore
Persoluit sponse debita iura sue.
Sic capit in cura rector sibi corpora pulcra,
Et fedas animas linquit abire vagas.