Infligit mortem languenti, qui valet illam
Nec vult auferre, set sinit esse malum:1660
Presul qui laicos, cum non sint ordine digni,
Ordinat ad sacra, scandala plura mouet.
Tales si quis emit lucro, frustrabitur inde,
Aut si perdet in hiis scit magis ipse deus.
Hoc scio, quod panem qui fregerit esurienti,
Cuius debilitas est sine fraude patens,
Qui nudos operit, infirmos visitat, illi
Debentur merita pro bonitate sua: