Se licet excuset fingens sibi verba sacerdos,
Nulla sue mentis interiora iuuat;
Inmemor immo sacri quem ceperat ordinis, vltro
Scandala sic facti querit in orbe sui.
Non puto presbitero sutorem quod status vnit,
Culpa nec in simili lance coequat eos:[411]1760
Presbiter et laicus non sunt Bercarius vnum,
Nec scelus in simili condicione grauat.
Castum se vouit sibi cum fuit vncta corona,
Stringitur et voto quisque fidelis homo.