Hac se mundicia precinctus presbiter ornat,
Vt totus mundus munera munda sacret.
Aron et electis vestes texuntur, vt horum[412]
Quisque sacerdotis possit honore frui:
Sic modo presbiteri, seu summi siue minores,
Efficiunt Cristi corpus idemque sacrant.
Nam nos cum vinum panemque sacramus in ara,
Hoc verus sanguis vna fit atque caro:1820
Qui Cristi carnem matris confecit in aluo,
Corpus in altari conficit ille sacrum.