Lux estis mundi, set non penitus sine fumo,
Nam sine peccato viuere nullus habet:1930
Sepe boni fructus post temptamenta sequntur,
Mercedemque suam prelia carnis habent.
Vtile nempe foret seuas extinguere flammas,
Et sanum vicii pectus habere tuum:
Ne videant oculi per quod temptentur, et aures
Obtura, vicii ne sonus intret ibi.
Tucius est aptumque magis discedere pace,
Ponere quam bellum, vincere quale nequis: