Ceco preponit obstacula, qui maledicta
Peccandi prebet per sua facta viam.
Hii sunt scala Iacob tangens celestia summa,[422]
Plena satis gradibus, vnde patebit iter:2010
Hii sunt mons sanctus, per quos conscendere debet
Virtutum culmen quisque fidelis homo:
Hii sunt consilium nostrum, via recta superne,
Legis doctores, et noua nostra salus:
Hii claudunt celum populo, reserant et apertum,
Possunt hiique boni subdere cuncta sibi.