Dum tua deposcunt, tunc te reuerenter adorant,
Set vix si memores amplius esse volunt.
Nil sibi quod dederat confert fundacio prima,
Sit nisi quod querant cotidiana lucra.220
Denegat hoc racio, quod homo possessor vterque
Et mendicus erit, ordo nec illud habet:
Nunc tamen hos vanos monachos nichil implet in orbe,
Est quibus vna fames semper et vna sitis.
Hoc de Ieronimo legitur simul et Benedicto,
Vt magis exemplis consequeremur eos;