Ingenuos raro monachari cernimus, immo
Ordine rurales, sunt magis ergo rudes;
Quos tamen in sanctos sanctus creat ordo professos,
Hii satis ingenui sunt et honore probi:240
Quid dicam set eis, dignos quos ordo nec ortus
Approbat? immo suum tempus inane ferunt.
Si Benedictus eos fundauit qui maledicti
Sunt, deus a parte non benedicit eis:
Quos magis attraxit mundus quam Cristus, aratro
Et retro respiciunt, hos mea scripta notant.