Non est hic sapiens sibi qui bona pluribus annis[432]
Colligit, et solo dissipat illa die;
Qui villas monachus et campos circuit, illud
Sepius incurrit quo reus ipse cadit:
Sunt tamen ad presens pauci, qui mente vel actu
Non vaga deliciis corda dedere suis.300
Dixerat hec Salomon, hominis quod inanis amictus,
Qui patet exterius, interiora docet:
Set licet ex humili monachus se veste figuret,
Nunc tamen a latere plura superba vides.