Nunc humilis viuat, qui vixerat ante superbus,
Sit castus quisquis luxuriosus erat:
Querebat census quidam, temptabat honores;
Ammodo vilescat omnis inanis honor:
Gaudebat dapibus, gaudebat diuite mensa,
Nunc tenuem victum sobria cena dabit;410
Et mundi, quamuis delectent, vana cauebit,
Nam certe gustu dulcia sepe nocent.
Ille suis letus excessibus esse solebat,
Nunc lacrimis culpas diluat ipse suas: