Verborum phaleras, verba polita fugit.1070
Scripta poetarum, que sermo pictus inaurat,
Aurea dicuntur lingua, set illa caue:[449]
Est simplex verbum fidei bonus vnde meretur,
Set duplex animo predicat absque deo.
Despicit eloquia deus omnia, quando polita
Tecta sub eloquii melle venena fouent:
Qui bona verba serit, agit et male, turpiter errat,
Nam post verba solet accio sancta sequi.
Quos magis alta scola colit, hii sermone polito