Aures obtura, ne cor adheret eis.1090
Non sunt hii fratres recti nec amore fideles
Ecclesie Cristi, sicut habetur ibi;
Inperfecta magis Sinagoga notabit eorum
Doctrinam, plene que neque vera docet:
Multociens igitur aliis nocet illa superba
Copia librorum quos Sinagoga tenet.
Non sunt ecclesie recti ciues, Agar immo
Parturit ancilla, perfida mater, eos:
Ergo recedat Agar, pariat quoque Sarra fidelem