Quid sit de clero dixi, dicamque secundo
Quomodo Militibus competit ordo vetus.
Primo milicia magno fit honore parata;
Est tribus ex causis ipsa statuta prius.
Ecclesie prima debet defendere iura,
Et commune bonum causa secunda fouet;
Tercia pupilli ius supportabit egeni,
Et causam vidue consolidabit ope:
Istis namque modis lex vult quod miles in armis
Sit semper bellum promptus adire suum.10