Nam quem non poterit probitas, prudencia fallit,
Nec stat vitalis tutus vt obstet eis:
Non amor in penis est par pene Talionis;
Vulnerat omne genus, nec sibi vulnus habet:160
Sic quia vulnifico fixurus pectora telo
Vibrat amor, caute longius inde fuge.
Est nichil armorum quod prelia vincit amoris,
Nec sua quis firme federa pacis habet.
Credula res amor est subito collapsa dolore,
Nec sciet inceptor quis sibi finis erit.