Non sibi vulnus habet miles probitate timere
Corporis, vt mundi laus sit habenda sibi,
Vulnera sed mentis timeat, quam ceca voluptas
Tela per ignita non medicanda ferit.
Vulnera corporea sanantur, set quis amore
Languet, eum sanum non Galienus aget:230
Femineos mores teneat si miles, abibit
Orphanus a stirpe nobilitatis honor.
Dum sapiens miles quasi stultus et infatuatus
Incidit in speciem, fama relinquit eum: